Det mut toch kunnen

LEMELERVELD – Noe hebt ze laoten weetn, detter meer prikkers efun mut wun. Prikkers? Der bint van allerlei soorten prikkers, zoas cocktailprikkers en afvalprikkers, mar ik bedoele mensen die un boosterprik maagt geem. Tis noe zo krom det olde huusdokters eerst un cursus daorveur mut volgen um te moogn meedoen.

Toen kreek un goed idee: ie kunt toch ok olde varkensboeren vraogn um mee te doen asse daor tied veur hebt. Die boeren of ex-boeren hebt un bult ervaring met spuiten geem an al die biggen en verkens. Deur al die aantallen hebt ze ut goed onder de knie, det ze ut nog lange niet verleert bint. De gemeenschap zol ehulpen wun deur die boeren, die det wel vaker doet.  Allenig mut die boeren wel deurhem det ze noe gin biggen gaot spuiten diej bie de achterpoten griept en de spuite drin jast, mar gewoon un mense. Noe mut ze netties vraogn of ze de broek wult laoten zakken um de spuite in de konte  te ram. Ut gieter allenig mar umme det ze de spuite kriegt en hoe det maakt dan ok gin bal uut.

Ton

Artikel delen: