De Boosterprik - Foto: Ton S
Foto: Ton S

De Boosterprik

LEMELERVELD – Ai goed beschermt wult bliem, muj de boosterprik haaln. Der bint van die luu die det allemaol mar onzin vindt, mar det mut ze helemaol zelf weten.  Mangs heur ie verhaaln, det ze van die boosterprik machtig slecht wurd. Ie zoln der van gaon kotsen, slap in de biene, koppiene en meer van det ongemak.

Mar as det mar effen duurt, dan hoeft det gin ramp te ween. Want ai de prik niet wult, kuj int ziekenhuus kom en daor ist al druk zat. Ik waasse lest bie un vrouwe die wol graag un boosterafspraak maakn

mar kwaamp der telefonisch niet deur. Ik heb al meer eheurt det bellen naor de GGD een ramp is. Zelf heb ik ut online edaone en ik heb um al ehad. Bie it online anvraogn veur un afspraak kuj kiezen waor ai hen wult. Ik bin naor Zwolle ewes en daor waor ik ewes bin, haan ze in de gauwigheid un uitrit ebouwd en twas wel eem zuuken waor ie kon parkeren. Ai de spuite had hebt muj un kwartier bliem zitten, want ie kunt van de biene gaon deur de spuite en as det gebeurt wul de hulpe der wel graag bie ween. It rooie kruus hefter luu loopn die de boel in de gaten hoolt. Assie van de biene gaot ist wel mooi det iemand oe kan helpen um weer allenig verder te kun.

Ton

Artikel delen: