Det vang was un heel gedoe - Foto: Ingezonden foto
Foto: Ingezonden foto

Det vang was un heel gedoe

LEMELERVELD – Der waan un paar hangbuikzwienties in un bos lus elaoten. Ientie haan ze kun vang en un paar waarn um esmeert. Ut lukken mar nie um die zwienties te pakken te kriegn. Dus haan ze bedacht um ze met voer te lokken.

Un mooie opvang wurn ebouwd en daor kwaamp dan voer in met stro en as de zwienties dan kwaam vretten kon ze in de kladden egrepen wurn. De zwienties dachten zelf natuurluk det ze veur wel heel stom anne zeen wurn en trapten door mooi nie in. Volgens de vangers waarn die zwieties met hun kurte peuties veuls te rap um te vangn. Assie ze in ut bos achternao ezeten wurn en zie kroept onder de brandnetels of ut struukgewas kuj dur nie meer biekomn.

Ik hebbe zelf al vake achter verkens anne zeten en dan hak vake un hekke of un stuk gaas bie mie. Assie dan ut spul ens vaste kunt zetten, dan kuj ze pakken.

In un bos ist wel anders. Assie met un paar man bint die allemaol un hekke of un stuk gaas bie zich hebt muj die zwienties toch ens kun vaste zetten. Ut zal van mie wel te simpel edacht ween, want zie binter un dag of wat mee bezig ewes en hebt die zwienties noe toch eindeluk evang.

Ton

Artikel delen: