Is det kunst is of iets anders - Foto: Ton S
Foto: Ton S

Is det kunst is of iets anders

LEMELERVELD – Mangs vraog ie oe of ut kunst is of iets anders. Die vraoge kwaamp boom driemn toen ik bie un olde vrouwe eem kwam koffie drinken. Mar ik kwaam derachter det ut gin kunst was mar noe iets anders, want die vrouwe zei teegn mie det zie aorig ant smeern was met un suukerladekuukie.

De koffie was lekker heete en as zie dant ut kuukie op ut schutteltie legn teegn ut kuppe an dan giet de suukerlade smelten en kriegie un smeerbende umdet ut hele kuppie vol met suukerlagedoe kump. Ik zei teegn die vrouwe det ze toch wel better oppevoed is en dur niet zo’n bende van mut maakn. Ik bin dan wel iets jonger als heur mar ik weet det iemand der gin bende van mut maakn as ik op de koffie komme. Ik kan dan gon denken det as ik komme det dan allemaol nie meer zó nauw stekt. Det is dan wel zo, mar iemand mutter nie standaard van uut gaon. Ut stiet better as iemand zich verontschuldigd det ze ant smeren bint en ut niet un vrijbrief is um mar mee te doen. Aans ist hek helemaol van de dam. Dan kan koffiedrinken un heel andere zake wurn. Aj zo gaot koffiedrinkn muj van te veurn  handschoene an doen, anders kriegie smerige jatten. In disse coronatied muj a vake de hande wassen en aj dan al handschoene an hebt hoeft det minder. Dus ens heft ut smeern biet koffiedrinken ok weer un veurdeel.

Ton

Artikel delen: