LEMELERVELD – Der wurd noe un bult over gedrag epraot det totaal nie gewild is. Ut giet dan over kerls die de hande niet thuus kunt haoln. Ok gebruukt ze soms praot die kats nie zo heurt. Der wurd ok mangs fototies nor meiden of vrouwen estuurt die daor echt nie op zit te wachten, want det is al un soort porno. Die kerls veult zich misschien zo geweldig en vake bint de slachtoffers afhankeluk van die kerls det die denkt det ze det ongestaft kunt doen.

Tis natuurluk zielig det de slachtoffers gin mond durft los te doen, umdet ze bange bint veur de gevolgen. Ok zal schaamte un rol kun speuln en ut idee der ze nie geleuft wurd. Mar denken dat veur succes int leem ie wat over mut hem, mar ut kan ok teveule ween.

An de andere kante ist noe ok zo det as un vrouwspersoon un hekel an un kerl hef ze mar iets te verteln over ongewenst gedrag van un kerl  en die kerl hef metiene un stempel. Ok al heffe nks edaone. Kiek zo kunt ze mekare ut leem kats verpesten. De slachtoffers mut van zich laoten heurn wat ze wel of niet wult Dur over praoten met de butenwereld  kan helpen.

Ton