DALFSEN – Hierbej een oproep veur keals die snachens in de tuune Hortensia’s knipt. Goa mar noar loonbedrief Lindeboom want doar ligt zat takkies van de Hortensia an de bult. Kuj gewoon överdag doene en kost niks.

Ik heure steeds klantn die de knoppn uut de Hortensia kwiet bunt. Disse klantn hebt keals snachens in de tuune ehad die de knoppn dr uut eknipt hebt. Althans dat denkt ze.

Nö is nie meer neudig  Lindeboom heff zat en ast mut gooit roomse Harrie alles veur oe apart, kuj knippn zovölle aj neudig bunt. Kost niks.

Groetn Gruune Jopie