LEMELERVELD – In de tuun kuj noe a vaste begin op te ruum. Al det dooie spul en de bladrommel kan weggehaald wun. Ok de potten die der staot kuj dan metiene schonemaakn. De prut die derin zit en daor niet inheurt kan deruut. Grus det noe overal begint te gruujn op plaatsen waor ut nie heurt kuj roppen.

Aj det allemaol edaone hebt, kiekie gelieke der heel anders der teegn an. Aj dan bezuuk kriegt, kunt die zien dej a vrog int jaor bezig bint. Zie kint ok begin te neulen det ut nog zat kan, mar tis ait nog zo: af is af. Ai kiekt nor ut weer ist ok nog zo dej ut kunt doen ast mooi weer ist, anders zittie weer te knooien bie pokkeweer.

Ton