LEMELERVELD – Ik komme lest bie un vrouwe en die wol graag bie heur in de tuun un paar stienties hem. Zie had as afscheiding tussen ut gazon en ut bloemperk van die plastic stroken, die dan rechtop ston en verder ok nog van die holten peulties die bienao allemaol verrot waarn. Deur ut meien waarn die plastic stroken der allemaol uut.

Tja assie met de motorgrusmeier over die plastic stroken jaagt, komt die int mes te zitten. Ut waarn nie van die lange stroken, anders kriej die allemaol in oen mes te zitten. Muj oe veursteln dej stroken hebt van 20 meter of meer, dan kump de grusmeier vanzelf de lucht in en dan mei ie gin spier grus meer. Ie kunt dan wel vliegensvlug meien. Ik denke det de motormeier der dan ok mee opheult.  Mar die plastic stroken en holten peulties moggen deruut. Zie had nog un bult stien staon die kon der dan mooi weer in. Dus in geultie gespit en toen due stien iene veur iene der inne pakt.  Akt noe goede daone heb, kuj met ut wiel van de grusmeier over die stien jaagn en glieke grus meien. Noe zol de meier nie meer de lucht in vliegn, zodei nie alenig mar lucht ant meien bint mar ok nog grus. Det is tenslotte de bedoeling weurumme ie daor met die meier loopt te slepn.

Ton