LEMELERVELD – Bie ut verhuuzen muj mangs goed bekieken hoet wel kan. Ie loopt te zeulen met allerlei spuln en dan muj bekieken ofut allemaol past. Ie mun taofels deur deure slepn of stoeln of kassies die dan zo’n smaller dreijtrappe op of aof mut. En mangs paster gin zak van en muj van narigheid de leaning van die rottrappe drof sloopn.

Marja ie wilt ut spul wel graag op zien plaaste kriegn en dan wuj wel. Assie ziet det un taofel te breed is veur un deure um der deur te kun, drei ie die taofel umme en as de poten dan ok weer te lang bint um der deur te kun, gao dan niet zuukn nor un andere opening waor as de taofel wel deur past. Um un taofel deur un raam te slepn giet ok niet zo soepel ai nie op de begaone grond bint. Kiek dan ai de taofel andersumme dreit, oj dan zo  de taofel deruut kunt dreien. Det giet toch better assie aans met ladders un taofel uut un hoger raam mun haaln. Ok hej dan minder kans det ut spul oe uut de klauwn valt. Ok un wasmachine is vake un ramp. Die mut mangs helemaol nor boom via zo’n smalle dreitrappe. In kunt um vake nie goed vastehaoln en veur oe allenig ist a gauw  te zwaor. Ai kiekt nor die verhuuzers, die hebter zo’n draagband bie en dan kuj veule meer. Maarja die draagband hebbie ie niet, dus verder bliem anklooien toch? Ie komter vanzelf wel uut, ok a duurt veul langer.  Ie kunt dan toch zegn dej der weer van eleert hebt.

Ton