Mangs muj der eem bie - Foto: Ingezonden foto
Foto: Ingezonden foto

Mangs muj der eem bie

LEMELERVELD – Assie un mooi boeket op taofel hebt staon, dan ist int begin machtig mooi. Ai der dan al un tietie teegn an zit te loern en ie ziet buutn in de tuun un mooi plante bluuien, dan kump oen creative vermogen weer ankloppen. Ie hebt ooit een cursus bloemschikken edaone en dan wuj ut iederiene laoten zien dej ut nog in de vingers hebt.

Dus ut bloemstuk, waor ie a un tietie teegn an loert, kuj verandern met de bluuiende bloeme uut oen eign tuun. Dan kiekie der gelieke aans teegn an. Ai dan nor buutn gaot um die bluuiende bloeme op te haaln, kant gebeurn dej ok nog wat aans teegn komt. Der hangt hier en daor vogelhuusies en daor kunt de veugelties mooi de eier in legn. Die eier komt dan un keer uut en dan mag ut jonge spul de wiede wereld in. Det giet ok welles aans en dan komt ze niet zoverre. Watter allemaol gebeurt is wuj heel niet weetn. Ie ziet detter mangs slachtoffers valt, mar zo giet det in de natuur.

Ton

Foto's 2
Mangs muj der eem bie - Foto: Ton S
Foto: Ton S
Artikel delen: