Bekieken oit ok weet - Foto: Ton S
Foto: Ton S

Bekieken oit ok weet

LEMELERVELD – Der bint van die mensen die maagt graag van allerlei puzzles maakn. Op de telefoon kunt ze ok wordfeuten. Det is zo’n spellegie waormee assie punten kunt schoorn. Der bint noe luu die heel veule op de telefoon zit te loern en dan kunt die dus ok ant wordfeuten ween. Tis natuurluk wel goed um de hersens bezig te haoln met det puzzeln.

Assie oen hersens allenig mar in de winterslaop holt, kan det op oen gedrag ok invloed hem. Ai met un bult zurgen an de kop veul loopt te prakizeren, kan puzzeln oe eem aofleiden dei dan toch eem ens anders an denkt. Ai dan toch weer ant prakizeren komt, kuj der noe aans teegn an kieken en misschien deruut kom. Deur al det puzzeln kuj ok weer wat leern. Mar bie det wordfeuten maakie mangs van die rare weurties diej nog nooit eerder ezene hebt, mar toch goed evun wurd. Ie snapter niks van, mar ut mak gin zak uut, ast mar punten schoort. Dus veur de punten wuj veul deur de vingers is zien.

Ton

Artikel delen: