Tja wat muj dan - Foto: Ton S
Foto: Ton S

Tja wat muj dan

LEMELERVELD – Ai genog hulpe hebt, zoas oen familie of buurn dan maakt ut nie uut ai eem ens nor tie mut veur un tietie. Ut werk in en um oen huus kan dan deur die hulpe daone wurn. Ai det weet hebbie doar gin kopzurgen meer umme. Ai nor ut ziekenhuus mut waor ze an oen lief mun sleuteln, zol ut genezen better gaon ai weet der bie oe thuus de boel bie ehaolen wurd deur oen hulpe.

 

As det nameluk niet zol gebeuren hei kans ai later weer thuus komt dan zalt grus en onkruud ontiegeluk egruut zijn. Um dan de boel weer netties te kriegn zol un heel karwei wurn. Aster noe gin buurn bint daorveur en ok gin familie die daorbie kan helpn, muj wat aans verzin. En assie un tietie uut huus bint muj iederiene ofbeln um van alles te regeln. Mar ie mun der niet teveule over proatn, aans kriegt mangs verkeerde mensen det te heurn. Ie hebt dan kans det ze oen huus leughaalt ai der zelf niet bint. Ut huushooln wurd dan wel un stuk makkelukker, mar dan muj ok nog weer achter nieuwe spuln an. De spuln die vort bint daor hebbie un emotionele band mee en det dut dan wel zeer. Int ziekenhuus hebt ze dan inne greepn zodei gin piene mee hebt ant lief, mar as bie oe thuus de boel niet goed eregeld is kan det ok ongemakkeluk anveuln.

 

Ton

Artikel delen: