LEMELERVELD – Mangs muj ok de ruumte waor assie veule zit te knooien ok un keer schone maakn. Deur oen geknooi zuj allicht  op de vloere un aorige bende emaakt hem. Tis un grote schaane as iemand zut in wat veur un troep ie zit te werkn. Dus dran met ankeern, schrobn en opruumn van alle bende.

Zo kuj better en prettiger ut werk doen en dan  kuj ut ongedierte better de baas bliem. Want ongedierte die vond ut wel machtig mooi in de bende die ie der ait van maakt. En opruum der kan ait nog wel un keer, dus det hef gin haost. Veural ai op de vloere ant smeern ewes bint, kant zelf gevaorluk wun veur oezelf.  Ie kunt ant uutglieren kom en dan zotermieter ie an de grond en dan mar hoppen dej de boel heel holt. Ai zelf al niet al te smeuig meer bint, muj juust veurkommen dej onderuut gaot. Denk daor mar an ait opruum weer uut wilt steln umdet ut gin haost hef. Assie neersmakt bennie toch te late met ut opruum. Ai dan ok nog kats allenig ant knooien bint en ie gaot onderuut,  kant eem duurn veurdet iemand oe giet zeukn. Dan mut ok nog zo ween dei bij ut neersmakken niks kapot hebt aans kriej der nog een ander probleem bie. As oe det allemaol zol overkommen kuj un tietie niet meer anknooien daor. Opruum daor is dan wel tied veur.

Ton