Ast mar wat lek - Foto: eigen geleverde foto
Foto: eigen geleverde foto

Ast mar wat lek

LEMELERVELD – Kiek iederiene kant aans bekieken. De iene is der onmeunig secuur an en de ander vind a gauw goed. Ai det van  menare niet kunt hem, kriej alenig mar un bult trammelant. Astoe niet anstiet det de ander ut aait better wul weetn, dan muj daor niet zo muuluk over doen. Denk dan mar det de ander ut graag op de eign maniere trechte wul hem.

As det zo is denk dan mar gewoon: laot gaon. Det ieje ut a gauw goed vind, det zol de ander ok mun kun hem aans bleef ie daor over ant zeurn. Ai mangs saam wat wult verkoopn, mujt mer menare iens ween teegn over de koper. Ut spullegie is a niks te duur en dan heurt mindere punten derbie. Gao oe dan ok niet verontschuldigen det ut niet allemaol meer zo mooi meer is. Laot de koper zelf bekieken of ut anstiet of niet. Ie kunt uutlegn hoeit zelf der mee daone hebt en ast dan niet goed efun wurd dan hult op. Ast goed bevalt bie de koper kuj ok nog zegn detter nog meer pruttel bie is, mar det heurt dan niet bie de pries. Ai netties hebt uut elegt bie de koper, kreg die un better geveul en eerder belang bie oen andere pruttel. Ait met menare iens bint, kuj beide tevreene ween. De koper hef watte hem wol en ie binter van of.

 

Ton

 

 

 

Artikel delen: