LEMELERVELD – As de vrouwe van iemand gauw jaorig is, dan mut de boel umme en int huus an de kante maakt wurn. As de kinder dan op bezuuk komt, mun die kun zegn dei de boel nog aorig trechte kunt haoln. Kinder hebt a rap ens commentaar op det ut toch aans mut, mar ie mun wel bedenkn det oen leem is en hoe det verlup bei toch eign baas van.

Ut giet zoast giet.  As dan de boel der weer mooi bie ligt, hoeft ze niet te weetn dei hulpe had hebt. De baas vant huus is ok nog bijenboer. Ik mogge hem eem helpen bie zien bijen. Ik waase zomers annekleed en toene mie zag met blote arm en biene zeie det ut niet verstandig  zol ween um hem zo te gaon helpen. Gelukkig hak un overal bie mie dus dan kon ut. Hij ging met mie nor zien bijenkassen toe en zei det hij ze wol bievoern met suuker.  De kassen mossen van menare haalt wurn en ik gebruukn un spatel um de delen van menare te knooien.  As de deeln dan van mekare bint gaot der un bult bijen rondvliegn, mar wiele haan van die bijenpakken an en hij had ok zo’n rookpiepe an. Deur de rook wurd de bijen rustig. Hij spuitte un soort mierenzuur over de raten veur de ontsmetting. Dan haalde hij un raat deruut en deut daor dan suuker in. Ut spul weer op menare estapelt en klaor.

Terugge in de tuun en gruuntetuun konk verder met opruum van al ut uutgebluuide spul en onkruud. Ie kon noe zien detter wat edaone was in de tuun en det is de bedoeling..

Ton