LEMELERVELD – Der bint wellus van die momenten dek niet goed naoe dacht heb. Zo waar ik un keer in Canada op familiebezeuk. Ik heurn van hun det ze ut machtig mooi efun haan int skigebied meer naor ut noorden van hun land. Dus ik dache dan gao ik eem kieken daor. Twas in mei dus ik dache echt europees: der zal wel un kunstskibaane ween en dan kank ut mooi eem proberen um te gaon skieen.

Ik zaage overal wel skiverhuurbedriem, dus zeuken  nor un kunstskibane. Toen dach ik pas deur det ze daor in de winter sneeuw zat hebt en un kunstskibane veur de zomer helemaol niet neudig hebt. Dus ik waase gewoon stom bezig um daor in mei nor un kunstskibane te gon zeuken. Umdet daor verder niet veule te doen was (ok gien apres-ski) konk wat anders gon zeuken ens anders. Wiele hebt wel wat aans efun, mar daor muj in Canada ait verre veur jaagn.

Ton