LEMELERVELD – Ai un fietse hebt, dan is un fietstasse ok wel makkeluk. Assie spuln in de hande mut haoln biet fietsen en ie mut plots remn, kant gebeurn dei de verkeerde handrem gebruukt. De veurrem is gevaorluk, want veurdeit weet ligge ie daor op de platte bek met hele spul. Kiek dan is un fietstasse handig, want dan bint oen hande leug en kuj normaal stuurn en remn.

Ik dache ok zo, toen ik un beker koffie met un dekseltie derop in de fietstasse deut, ja wel in un rugtasse heur, mar achteraof bleek ut dekseltie dur nie goed op te zitn. Ie kunt dan bedenkn det de boel niet dreuge is ebleem. Dus gien koffie meer toenk ut neudig hadde. Det is niet zo’n ramp, mar toenk weer bie huus ware hek de tasse niet goed schone mak. Toenk later enkele paperassen in dezelfde fietstasse deut, kwaam die allemaol onder de koffievlekn en det was minder mooi. Och ik kon de besmeurde stukn der gewoon aofknipn, mar det stiet ok niet zo netties. Ik had gewoon gaagies onderin de fietstasse mun hem of de rugtasse op de rugge mun doen en niet in de fietstasse.  Maarja as iemand mie dan zut fietsen met de rugtasse op de rugge en mien hele rugge onder de koffie, zol die ok gon denkn dek stom bezig bin want ik heb toch in fietstasse um die slaterende rugtasse in te doen.

Ton