LEMELERVELD – Ai allenig komt te staon, kant gebeurn dei weer kundigheid op doet an iemand aans. Ie hoeft niet gelieke bie mekare te kroepn, mar ie kunt wel leuke dingn met menare doen. As  de leeftied nogal verschilt, kan de andere kante van de kundigheid gaon naodenkn over ut older wurn. Die kan dan gaon denkn det ze gin bejaardenverzorgster wul wurn.

En dan kant iniens offe loopn ween. Ondanks det a un beste tied leuk was en ie heur ait goed bedeeld hebt.  Um noe un ander te vin die gezelligheid met oe wul en weet det ze in de toekomst mogeluk oe de luiers met umme knupn zal noe nie makkeluk wurn. Mar ai beide van dezelfde  zo’n bettie van dezelfde leeftied bint kuj allebeide daormee te maakn kriegn en dan kuj menare mooi helpn  ait nog kunt.

Ton