Wat muj noe? - Foto: Ton S
Foto: Ton S

Wat muj noe?

LEMELERVELD – Ie bint al jaoren int zelfde werk an de gank. Ie hebt al verschillende functies in det werk ehad en de leste jaorn doeit vanuut huus en zonder personeel. Ens veul ie nog wel de uutdaging um weer wat aans te gaon doen. De huuzenprie- zen vliegt noe helemaol uut de panne. Ut geld zit in de stiene.

 

Ai noe gaot verkoopn kuj un leuk priesie beurn en assie dan tiedeluk op un camping gaot woon, of plannen hebt um nor ut buutenland te gaon muj ut noe doen. Int buutenland kuj dan bekiekn hoe ut daor bevalt en ast nie bevalt kuj weer terugge kom. Ai dan weer un zelfde soort huus weer wult koopn muj dur geld bie lapn. Dan gaoj dur op achteruut.  Ie kunt ut spullegie ok gaon verhuurn en dan hej un extra inkom en dan kuj een betaalde vakantie int buutenland nem. Misschien muijt huus nog un bettie opknappen veur de mogeluke huurders mar det levert zien geld wel weer op. Of ie laot die ideeen valn en ie kunt ut werk nog deur doen. Un bettie kalmer andoen met investeern in oen bedrief en gewoon minder werk annem. Dan kuj meer geld overhaoln um dur better van te leem. Noe muj zelf uutfiguliern wat of ut beste is. Ut mut nie  zo ween dei later zegt: hak ut noe mar edaone, want dan ist te late.

Artikel delen: