LEMELERVELD – Plannen van iets kuj van te veuren doen, mar det kan mangs heel anders wurn. Aster wat gebeurn mut waor hulpe bie neudig is, kant gebeurn det der iniens hulpe kump waor helemaol niet anne dacht is. Of dur kump hulpe die nooit verwacht was. As ut werk waor ie veur komt al edaone is, muj niet metiene zegn dei dan weer kunt gaon.

Ast dan niet deur giet muj oe  un bettie an kun passen, aans zal de planner zich nog lulliger veul assie duudeluk laot zien dei ut kloten vind det noe iniens aans wurd.

Ai dan kats iets aans kunt gaon doen, muj ut kun waardeern dei niet veur niks ekom bint en det de planner wat aans hef bedacht. Oe mutter mar van uut gaon det ieje en de planner alle beide tevrene bint ai dur soepel mee umme gaot.

Ton