LEMELERVELD – Dur mos un koppel peerden in un weiland. De hekken daorveur waarn echt un zooitje. De hekn zaten tussen twee spoorbielzen. De hengsels waarn kats verbuugt en an de iene kante zaten helemaol gin doemn(schaniern) meer in. Dur mossen eerst nieuwe doemn oppehaalt wurn en de bedoeling was noe um die doemn met draodenden an de paol vaste te maakn.

Ut weiland was niet direct in de buurte van un stopcontact en um gaatn deur die bielzen te boorn hek toch stroom neudig. Dur was echter wel un boormachine op un batterije, mar die batterijen bint ait rap leug. Ok bie ut boorn van de gaatn konk anderhalf gat veur mekare kriegn. Ge lukkig waster nog un volle baterije en konk dus drie gaatn boorn. Ak dan veur iedere doeme twee gaatn wul hem muk acht gaatn hem. De leuge batterijen laadt niet zo rap op en dan kriek  ut niet op tied trechte. Dus ik had bedacht um de onderste doemn dan met draod enden vaste te maakn en de boomste met bolten vaste te dreien. An de iene kante hung ut hekke an kromme hengsels an olde doemn. Die konk der ofdreien en dan de hengsels rechthouwn. De bolten waarn lang en konk der goed uutdreien. Der weer in det gink niet zoas verwacht. Het ene hekke hung der weer in met drie draodenden. Ik wol der nog un bolte bie in dreien en die knapten af in de paole. Ik had de bolten uut die andere paol edreit had dus dan konk die olde doem op un andere plaatse der zo weer indreien. Mar helaas knapten die ok af. Noe gauw opzeuk nor kurtere bolten dan konk de hekn weer ophang en dan later misschien ok an draodenden vaste maakn ak weer gaten kon boorn.

Veur noe hangt de hekn weer zodet de peerden int land blieft.