LEMELERVELD – Noe hebt ze overal krap an personeel. Aster dan wel personeel is,  mut die ok zo veul mogeluk doen in zo weinig mogeluk tied. Un baas kan dan met minder personeel meer werk doen. Daorveur muj mangs wat verzin um det personeel sneller iets te laoten doen dan wanneer ze det werk op de olde manier ait deun.

Deur oen personeel minder te laoten buffeln met zwaor werk,  kump ut hun minder an de botten en kunt ze meer doen in minder tied.  Mangs muj dan ut zwaore werk deur machines laoten doen. Det is dan un investering veur de baas, mar dan hei wel kans det oen personeel niet ze gauw giet loopn. Ik denk det de oldere personeelsleden ut liever op de olde vertrouwde manier wult bliem doen, mar de jonge luu zult wel graag un machine der bie haaln ast kan. Ens hebt ze ok geliek, want weurum zoi oe ofbeuln ast niet neudig is. Mar un keer muu wurn is toch ok gin ramp. Ait kunt is muu wurn helmaol niet zo verkeerd, dan kuj der goed van slaopn.

Ton