LEMELERVELD – Dur bint van die luu die hebt  kamers zat in huus en wat as logeerkamer bedoeld was, wult ze noe verandern in zitkamer. Un zeune wul graag op kamers, mar det is teegnwaorig niet te betaaln ai nog niet genog werk hebt en genog verdient. Um dan de logeerkamer te verandern in zitkaner mut dan kun.

Logeern kan ok in andere kamers, dus zol der  gin probleem geem.  Op de nieuwe zitkamer mut dan wel un extra televisie, want de zeune ist zat um iedere aomd bie pa en ma te zitten en meekieken wat hun wult zien.

Noe moster un extra internetkabel nor de logeerkamer. Hup dan mar onder ut huus in de kroepruumte en derachter zien te kom waor de buizen zit die nor de meterkaste en de logeerkamer loopt.

Ai ze vun hebt kuj de kabel durin proppen en as det gebeurt is kommie durachter dei net un paar meter te kurte komt. Keihard gon vluukn helpt niet, mar daor denkie niet an.  Dur bint internetkabels in verschillende lengtes en ie bint a bange dei de kabel diej der net innepropt hebt, mut vervangn deur un langere.  Gelukkig binter van die koppelstukkies, dus noe koj dur gewoon un stuk bie an knooien. Met un zucht van verlichting kan de kabel noe nor de logeerkamer en an de televisie edaone wurn. Ie kunter ok un monteur veur laotn kom, mar ait zelf kunt mut det toch kun. De zeune kan noe zekf bepaaln watte wul kiekn.