LEMELERVELD – Un stel gung nor un opticien. De vrouwe had gedoe met de oogn,dus eerst nor de huusarts. Die vertrouwen ut niet helemaol en zei dan ok det un bezuuk bie de opticien wel verstandig was. Die hebt veul bettere apparatuur en die hebt ok contact met un oogarts. Dan mar durhen.

De oogn van de vrouwe wurn helemaol nao ekeekn um te kiekn watter an de hand was. Eerst kreeg de vrouwe un soort gel in de oogn um heur pupillen groter te maakn. Zo kon ze better int oge zelf loern en zien hoeter daor uutzut. De man was mee egaone umdet de vrouwe nao afloop misschien slechter kon zien. Asse dan achter ut stuur van de auto zol kroepn, kon det wellis mis gaon. Dan helpt un blindengeleidehond ok niet um weer thuus te kom. Ut onderzuuk verleup mooi vlot en dur was niet veule an de hand, mar deur die gel bleef ut kiekn toch minder en det zol nog un tietie duurn. Gelukkig kon de man ok autorien dus ze kwaam wel weer thuus. De vrouwe had nog allerlei plan um saoms te gon doen, mar dan mos zie met de fietse daor op an en ok nog int donker. Asse dan niet alles goed zut was det gien goed plan. Oe zelf te barsten ruen of andern ist niet weert, dan mut mar later.

Ton