An kom weien - Foto: Ton S
Foto: Ton S

An kom weien

LEMELERVELD – Un jonge kerl kwaamp bie zien olders op bezuuk. Tolde koppel hung wat in hun stoeln en de jonge kerl wol eem wat aktie, dus hij gunk ant koffiezetn.  Zien olders zetn nog koffie op un olderwetse manier. Ze geuten hiet water op koffieboon in un filter. Die fulter stond dan op un thermosflesse en det is dan ok wel logisch.

 

Ai niks onder de filter zet, lup de koffie overal hen en dan bij ant opgietn veur de flauwe kul. De jonge kerl zag det zien olders ok un koffiezetapparaat haan staon en wat dan rapper giet hef ok nens mee te maakn. Ze zoln de hele aomt hem um de koffie op te maakn, asse niet ok nog an de borrel woln. De jonge kerl keus noe veur ut koffiezetapparaat umdette bie zichzelf thuus an un senseoapparaat ewent was. Bie zo’n senseo hei van die cuppies, mar bie lusse koffie muj gokn hoeveule koffie dur int filter mut ai gin maotscheppie hebt.  De jonge kerl had ut filter vant koffiezetapparaat aorig vol edaone en toen de koffie deur eloopn was, bleek ut dan ok un stevig bakkie was ewurn. Toene dan ok te heurn kreeg det ut  aorig sterke koffie was, zeie darop det ze gien mietjes mossen ween en gewoon opzoepen die hap. De olders woln dur toch un plumpe melk bie in hem, aans zoln ze nie kun slaopn. De jonge kerl maakn ut niks uut en drunk ut gewoon zwart op. Hij zol saoms toch ant bier gaon en dan wurn ut toch weer verdunt. De olders zeien det ze blij waarn dette koffie hadde zet en det ut niet echt te proemn was heuln ze veur zichzelf.  Det ut noe sterke koffie was ewurn koj met un plumpe melk regeln en dan wast te doen  Ai as olders vake alleen zit en ie kriegt bezuuk van oen zeune muj die niet gon aofzeikn, want hij mut zich welkom veuln.

Ton

Artikel delen: