LEMELERVELD  – Ie bint mooi ant fietsen en dur lup un paar mensen veur oe met un huntie. Zie ziet en heurt oe ankomn, want ie hebt un belle op de fietse en det maagt hun ok weetn an oen gebel te heurn. Noe loopt die luu  op un brugge waor ie ok overhen wult en bie un splitsing in die brugge geefie an waor as ie op an wult deur oen hand uut te steken.

Noe weet die luu det ze an de kante mut gaon zodeij der langs kunt jaagn. Tis allemaol duudeluk hoe ut noe verder mut gaon. Die luu hebt hun huntie an un touw of ketten en zie gaot netties an de kante, mar met dei dur langs gaot kump det huntie iniens veur de fietse en ikke metiene remn en had ok glieke gladde banden. Det is niet zo’n ramp, want veur ut zelfde geld was ik zo eschrukken dek met fietse en al over de brugleuning hen int kanaal esodemietert waase. Dan hak ok nog mun zwemm um niet te verzoepn ak daor niet kon staon.  Mar  de fietse was ok gien waterfiietse en hak die derok nog uut mun slepn. Zo kan dur van un entie fietsen iets heel wat aans komn.

Ton S.