OOSTERDALFSEN – Afgelopen frejdag is hej 80 ewurdn. Dieks van Echten, mien buurman de holt sloper. Nog steeds is hej elke dag met balkn en plankn ant sjouwen en spiekers ant trekkn. Nie meer met zo völle gaank maar toch.

Noe löp Dieks ah 30 joar in dezelfde jasse en ik dache: wurd teid veur een neje. Zo gezegd, zo edone, embleem dr op en hej kan weer zaagn en spiekers trekkn.

Aj dan kiekt wat alles bej hum kost? Moch ie dus een keer goedkoop een hokke veur de grusmeier en terrasstoeln  willn maakn? Goa een keer kiekn bej Dieks an de Welsummerweg nr 12. Dan ziede ie ok nog is een nostalgische zagerij en doarnoast hef Dieks veur iederiene een verhaaltie kloar.

Groetn Gruune Jopie