As de nood hoge is - Foto: Ton S
Foto: Ton S

As de nood hoge is

LEMELERVELD – Ut kan iederiene overkom dei ens rustig ant fietsen bint en verduld ie veult dei neudig mun plassen. Ai  toevallig dan in de vrije natuur bint, kuj allicht un boom opzeukn um daor det wat oe dwars zit kwiet te raakn.  As vrouwe giet det un bettie meulukker, mar aster genog bussies bint mut det ok kun.

 

Aster dan mar gin andere mensn in de buurte bint, aans kriej daor weer praot van. Ai echter in de bouw bint en ie hebt overal umme oe hen allemaol huuzen mujq wat aans  verzin um ut op te lossen. Aster dan an de iene kante ze bezig met ut ofbouwen van huuzen, kant veurkom detter un dixie stiet  en det zol dan un mooie oplossing ween.

 

Zo hek ut zelf is mee emaakt dek ok ens in de berm stond te plassen en un huuseigenaar dacht dek ut in zien hegge deut en schreewen mie toe dek un gasterd was. Ik begreep hem wel, dan hak ok mar un boom verderop mun nem. Ik had kun ofkniepn en gauw weggaon, mar ik von ut wel zo netties um ut te praotn det ut stom van mie was um te gaon wildplassen bie zien tuun in de buurte. Wildplassen mag ok helemaol niet, mar ai mut dan muj wat.  Aans muj luiers ummeknupn en bie ut older wurn zal det kun veurkom, mar dur mut vaker op tied offetapt wurn.

 

Ton

Artikel delen: