LEMELERVELD – In de Noordoostpolder kuj nor de Orchideeen Hoeve in de buurte van Luttelgeest. Doar kuj mooi rondloopn en ai wult ok nog etten en drinkn. Dur leupn ok mensn rond um de bezeukers un bettie te vermaakn. Zo waarn dur wat verkleed as rendier of kerstboom.  In de kersttied gunk un familie daor nor toe um ut is te bekiekn.

Ze kwaam bie de ingang en dur stund un machtige rije. De vrouwe zei det de andern avaste un teufeltie int restaurant kon gaon uutzeukn. Toen ze un teufeltie efun haan, kwaamp de vrouwe later met de kaarties en gun ze eerst mar eem etten. Daornao rondkuiern in de hal. In disse ketsttied heur ie overal kerstmuziek en toen dur un zanger verkleed as rendier ut restaurant binkwaamp begon de vrouwe al te klaagn det ze daor niet op zat te wachten. De man van die familie vond det wel grappig en deut net offe de zanger gunk wenkn. Zien vrouwe zei metiene det as die zanger bie hun zol kom, det ze hem dan in mekare zol ram umdet hij de zanger has erupn. Zie zei ok echt dette klapn kreeg.  Bie un ander taofel met veul kinder begon ze met de zanger mee te klapn en det fund de zanger wel mooi en leup daor nor toe. De man van de familie zol noe toch nog heelhuds weer op huus an kun, umdet de zanger ut te druk had um  vrouwe van de familie op de kaste te kriegn.

Ton