LEMELERVELD – Noe de kerst ewes is, kan de kerstboom weer vort. Ai tenminste un boom bin haan staon. Ie kunt de boom nor buutn gooin en aster un bonke wind stiet, kan die de boom ens henwaaien. Dan kump die boom ens trechte en det kan dan bie andere mensen ween die dur dan weer last van kriegt. Die weet niet van wie die boom aofkump, dus wat mut ze dur noe mee.

Mangs ister un inzamelpunt veur olde kerstboomn en iemand die zien boom inlevert kreg daor ok nog geld veur. Dus oen weggewaaide boom levert andern ok nog geld op en zo kuj ut un kerstgebaar neumn. As de gemeente al die weggegooide boom overal vandan mut slepn is det duurder as un bettie geld geemn veur un ingeleverde boom. Ok kuj de kerstboom weer inpoten en dan mar hoppen det nog dut tut volgend jaor  Ait zelf kunt kuj de boom ok versnippern of verbranden, mar det mag niet ait. Bie ut in huus haaln van de kerstboom kriej dur gratis spin of ander gedoe bie. Ok naoldn die dur oaf zeilt en ie mut zurgen det de boom genog vocht kreg asse bin stiet. Ie kunt det allemaol vermijden ai un goeie boomn enum hebt. Die blef mooi grun en de naoldn zult echt niet deraof valn. Tis un vrij onbekende soort kerstboom, maar die zal ook volgend jaar nog mooi groen blijven. Bij goede verzorging ook bijnao geen water nodig.  Ie kunt die boom zelfs met baln en al ens aans int huus zetn en dan kanne volgend jaor zoweer veur de dag ehaalt wurn

Det ist veurdeel van un kunstkerstboom.

Ton