LEMELERVELD – Ai in huus stroom hebt is det machtig mooi. Hoe mooi besef ie pas ast niet meer dut. Int duuster kuj zien waor assie loopt en zullie nie gauw ens teegn anknapn. Ie zult met gemak wel zo’n bettie weetn waor alles stiet en kuj un bettie rondloopn aster iniens gien licht meer is. Ai pas un stuk biet huus annebouwt hebt weetie nog niet waor alles daor stiet.

As daor dan un stroomstoring kump, muj met verlengsnoern zurgen dei in die anbouw weer licht kriegt. Noe muj echter wel uutkiekn dei niet over de snoern kompt te boltern.  De stroomstoring zit ens in de anbouw of buuten kuj zien in de stroomkaste. Deur de bonke reegn denkie det de storing van buutn kump. Bie de buutnlanteern kuj zien det de lampe al vort ehaalt is en de draodn in de contactdeuze daor zit un duppie op. Ie ziet det kabels die in de contactdeuzen onder de reeggeute loopt vake halfgebakken annesmeert bint met stopverfe. Noe kuj al de contactdeuzen lushaaln um te kieken of  ut daor nog goed zit, mar ie kunt ok in de stroomkaste  de kabels die nor buutn loopt aofkoppeln en dan kiekn of de stopn blieft doen. As dan de stroom in de anbouw blef braan kuj met oen doen en laotn verdan. Noe muj dur un vakman bie haaln die uut kan zuukn waor de kurtsluuting ens zit. Assie brand kriegt deur die stroomstoring en de verzekering kump derachter dei zelf ant knooien ewes bint kant meuluk doen biet uutbetaaln van de schade.

Ton