LEMELERVELD – Op televisie berst ut noe van programma’s over relaties. Tis un verdienmodel ewurn.  Ut iene is nog gekker ast ander. Met ut gendergedoe wurd ut rijgie van anders soort relatie als maar langer. Ie weet op zien lesten nie meer hoeit mut neumen. Ie kunt ut toch ok gewoon iemand is aans neumn. Luu die aans bint kunter misschien steun van kriegn asse ziet det ze niet allenig bint met hun aans ween.

Ut gieter toch umme ai mar gelukkig bint zo ai bint.  Zelfs iets umme roepn mut ok al anne past wurn, want assie ut hebt over: dames en heren kunt luusteraars daor geraakt daor wurn.

Ok  bie openbare plees mun ze de manier van angeem waor ie mun ween  genderneutraal doen.  Mar ai neudig mut mak det toch gin bal uut. In oons land ist al aorig accepteert detter luu aans bint, mar in andere landen is ut strafbaar en de rol van man en vrouw ok nog kats schief. Emanicipatie hef mangs veul invloed, mar ut salarisnivo is ait nog niet gelieke. Ok in topfuncties ziej te weinig vrouwn. As in de sportwereld ok luu die aans bint mee wult doen op hun nivo kriej toch weer aparte gruupies. Acceptatie det wul iederiene , mar tis mangs wel meuiluk.

Ton