LEMELERVELD – Een persoonlijke ontboezeming in ’t DalfsenNet zal op zien tied ons wel is bie de les haoln. As in ons lêêm zwaore klappen valt nao jaoren zonder al te völle wind teeg’n. Met een brok in keel en ziel onder de arm lope wie as vröm deur eigen huus te dwaaln.

Alle daagse dinge weet ie niet waor ai’j ze zuken mut , wasmaschine een vrömd geval laot staon het striekiezer dat oe angst inboezemd. In t’grote bedde vuul ie oe verleurn. ie praot wel maar toch niemand zeg wat trugge. Wie waan beide gek op apenötties wie peln ze of en aten ze wel op, het leek op ons huwlijk. Buurn bekommert zich wel um oe, naobergevuulns, engeln die zo maar met van alles plotseling in de kamer staot. Nog niet zolang trugge een ereboog um zestig jaor huwlijk maar in korte tied zo maar vier aller nöaste buurn uut de tied e kom. Noe twee vroegere buurtkinder nöst mekaa op ‘t kerkhof, ze wâân toch gin vröm veur mekare. Een echtpaar op gehoor afstand bij de laatste rustplaats van een – bekende – plaatsgenoot; ja va as wie het belêêm zult komme wie hier ok te ling.

Historische Werkgroep Lemelerveld
10 Februari 2023
H.Huisman