OOSTERDALFSEN – Tjonge wat heff die HG mej bej de Piere ehad. Frejdag 10 Februari heb ik een optreedn as Conferenzeur edoane bej eetcafe Mansier in Oldluusn. HG had ik evrögd dr een film van te maakn. Ik hebbe een paar olde klantn die te old bunt om noar Mansier te goan. Noe kan ik ze toch mooi de film loatn ziene. Joa ie mut toch iets veur oe trouwe klantn över hemmn en dat heb ik.

Toen ik frejdag oamp thuus kwame, gelieke op DN kiekn want dr soll een stukkie op stoane had ik, nötied bej Mansier al eheurd. Tjonge ik schrökke mej kapot, wat een opgebloasn Kikker stund doar op te treedn. Bun ik zo dikke ewurdn? Ik weeg mej zelf nooit en hebbe nie iens een Weegschoale of Spiegel in huus.

Now Moandag hek gelieke een Weegschoale ekocht bej Cees Lindenburg en sindsdien weeg ik mej telkens. Heb op internet vanalles nö ezucht woar nie te völle Kcal in zit en ik drink gin bier meer maar rooie Wien. Doar zit 0,0 Kcal in.

Vanmiddag krieg ik bericht van HG det de foto toch een bettie gefotoshopt was. Een bettie ? Schelt weh 10 cm !!

Alle paniek veur niks dus, dank oe HG. en HH

Groetn Gruune Jopie