OOSTERDALFSEN – Ut is een bettie warmer en gelieke begunt die krengn ( die lieve beestjes Red. ) weer te wruutn. As t warmer wurd komt de piern en aandere biesies omhoog in de grond, zuukn noar voedsel en de boamste 10 cm van de grond is de beste. Zit völle humus en insecten in.

De mollen goat doar achteran en det kuj dus ziene an die bultn en mollerittn, mollegangn dus. Dan ziede ie ok gelieke weer van die grote kraain bej die bultn zittn want die kraain lust wel een mol. Ok reigers en zelfs Kattn zit op wacht bej zo’n mollsbult. Geef maar is acht.

Groetn Gruune Jopie