NIEUWLEUSEN – Gister oamp was dr bej ut Witte Peerd een sponsor bijeenkomst van ASC , SVD , FC Dalfsen en sv Nieuwleusen. Sprekkers waarn doar de luu van RTV Oost en dan in de setting van de Oost tribune. Programma van Bert van Losser, Thymen van Wissink en Jan van Staa. Wekelijks word det uut ezundn op de moandag en frejdag oamp.

Noe had ik overlegd det Bas Nijhof, de beroemde “zonder rode kaart” scheidsrechter ok met soll kommn.

Zoaterdag munn hebt Bert en Bas een radioprogramms woar ik altied een tuintip in presentere. Afgeloopn zoaterdag munn heb ik Bas ezegd det hej maar holt moss goan zaagn umdet dr een bulte snej lag en ie toch niks im de tunne begunn kunt.

Now det hef Bas edoane en daarbej krig hej een ongelukkie woarbej hej sien spaakbeen brak. Een dikke boomstam viel op sien onderarm. Dus Bas lag int ziekenhuus gisteroamp en was nie bej öns int Witte Peerd.

Zelfs Johan Derksen was lillik om mej umdet Bas noe ok nie noar Hilversum kon.

Groetn Gruune Jopie