DALFSEN – Aj , mien agenda was ik kwiet dit weekend. Afgeloopn zoaterdag oamp bun ik noar Heerenveen – FC Emmen ewest en op de zundag munn was ik hum kwiet. Alle toafels en stoeln binnen ste buutn. Ik had hum in mien auto nog ehad.

Now bun ik grotendeels över noar een digitale agenda maar toch zit mien riebewies, spuitlicentie en pasfoto’s dr in. Ok een codelieste en altied wat cash geld. Maar helemoale vot, nens te bekenn.

Moandag munn bun ik een bettie huusvrouw en doe ik de was. Een bende witte rotzooi in de wasmachine en joa heur mien agenda. Zat dus schienbaar nog in mien broek die ik zoaterdag oamp in mien wasmachine egooid hebbe. Kan een keer gebeurn. Ut papiern gedeelte is dus op elost en doardeur is alles wit ewurdn. Alleen mien geld is onveranderd ebleem.

Mien zoeklieste veur de veiling is ok weg dus alle luu die de afgeloopn wekke iets besteldt hebt, mut mej eem belln, aans kumt niet goed.

Grortn Gruune Jopie 0630 708442