LEMELERVELD – Um te woon in un vakantiehuus dan muj oe mangs oarig anpassen. Astal un older huusie is zol de stroomtoestand vake kats olderwets ween. Dan kant gebeurn det un wasmachine daor heel niet neerezet kan wurn. De stroomkaste is veuls te zwak um un wasmachine te kun gebruukn. Oen kleern kriegie dan niet meer schoone en wat  muj dan as die kleern zo smerig bint dei dur met goed fatsoen niet meer kunt rondloopn. Of deur de bende die in en an oen kleern zit kriegie ze bienao niet uut of annetrukn.

Dan blef ut ienige over dei steeds nieuwe kleern mut koopn as de kleern die noe hebt kats versleetn bint of helemaol smerig en det die zo stinkt det iederiene met un bochte umme oe hen giet loopn.

Det zol dan wel un duur gedoe wurn en um met oen wasse ait nor de buurn te loopn die wel.un goeie wasmachine hebt, vinnie misschien te verre gaon . Assie goed gaot zuukn, kuj wel un adressie vin waorie teegn betaling oen wasse kunt breng. Ai det veur mekare kunt kriegn is det un zurge minder en goedkoper as steeds weer in de nieuwste mode rond te banjeren. De smerige wasse is vake niet ut ienigste waorie mee te maakn kriegt. As olde koppel binter mangs ok kinder of kleinkinder die wel graag bie opa en oma wult bliem slaopn asse op bezuuk bint bie ut vakantiehuusie. Det huusie is veuls te klein um de bezuukers allemaol te laotn logeern. Dur is dan wel genog ruumte veur un caravan en daor kan ut bezuuk dan mooi inkroepn. Bekiekn hoe ut ok kan mut dan gebeurn.

Ton S.