LEMELERVELD – Un vrouwe wol de hegge veurt huus eknipt hem. Volgens haar stond die hegge op de grond van de buurvrouwe. An heur kante knippen zol kun en det de andere kante ok eknipt mos wurn kon gewoon volgens heur. Ok van de boomkante wol ze dur flink wat aof,want dan kon ze better van zich aofkiekn.

Ja um gien gedonder te kriegn mos de buurvrouwe wel eem evraogt wurn of det mog. Dus de vrouwe wol beln of ut mog. De prut die der noe offe kom was, passen volgens de vrouwe niet allemaol bie heur in de gruune bak en zie wol gelieke vraogn of de buurvrouwe heur gruune bak derbie wil zetn. De vrouwe vond al raar det zie alles mos regeln  um hulpe te kriegn veurt knipn. Het was tenslotte de hegge van de buurvrouwe. Die pakken de telefoon niet op, dus gun wiele anbeln bie de buurvrouwe.  De buurvrouwe deut de deure lus en dur wurn heur ezegt det het heur hegge was en det wus ze helemaol niet. Heur gruuune bak was ok al bienao vol. Noe zaten wiele met un bonke knipsel en dur wurn heur verteld det ut grove knipsel bie heur  nere gooit zol wurn en dan mos zie det mar oafvoern as ze de volgende ophaaldatum weer genog ruumte had daorveur. De buurvrouwe stemde met tegenzin in met het dumpen bie heur van het grove knipsel. Zie had ok dwars kun lign, mar het was heur eign hegge dus had zie gien poot um op te staon.

Ton