LEMELERVELD – s’Mons zit moe  Dienemeuje en Hendekoom zo as gebrukelijk um tien uur an de koffie, ja zo wön Dinie en Hendrik in familiekring en naoberschap eneumd.  Ondanks hun grieze zilverkleurig haor wààn ze toch nog kwiek in hun doen en laoten, ja zie tel’n  nog wel met in de buurte.    

Maar verschil mut’r bliem, allennig veur  de dokter,  hereboer  en schoolmeester werd beleefd een lichtelijk buiging gemaakt en de pet gelicht. In onze dagen en tijden daarvoor de bekende slogan    “Wiens brood men eet, wiens taal men preekt”

– Hèènig en kunnlg  bie’t volk- disse beide luu altied in veur’n grap waor de streek heel lang aovernao  sol praoten!

Hennek wat bin ie toch  verre weg in oe heufd a’j het mie vraogd,  heb ie het  nie in orde in de bóómkamer. Vrouwe kiek is naor de peerde-stal van de buurn, ik wusse nie dat Batsoom daor slim of  stiekem an’t roken is of is verdulleme zien peerd soms slim verslaafd an tabak, waarschuuwn det mut ik ze. Bats……Bats heb ie een peerd det rookt??!!

Het zal Hendik ok nie wèèn met sien kolde drukte, jao wie kend oe wel, hier drink eerst maar een bak koffie of mos Diene soms op’t rabat vandage?  Gao dan zelf kieke’n aj mie niet gleufd..jao wie kent oe babbelegoessies wel, oons peerd det sol rook’n……..?

Met kump kinder van Schaddenjans met een schreeuw binvaln…….buurman……buurman oen peerdestal stiet in de brand!!! Ja…ja, ik zal’m dichte doen want sie gapt teegnswoor-dig as de raven,…. nee buurman det bedoele wie niet

Verdulleme  of sol mien peerd toch met vuur e spöld hem.

i.o.Historische Werkgroep Lemelerveld

3 juli 1923

H.Huisman