LEMELERVELD – Met dit warme weer ist merakel handig ai un hottub in de tuun hebt staon. Ai dur noe gebruuk van wult maakn mutter eerst schonemaakt wurn. Un emmer met bursels en allerlei doekn en lapn ston a klaor um mee an de gank te gaon. Ut water waster a uut haalt.  Ut dekzeil terugge slaon en toen koj zien detter un bult zand en takkengerei op de bodem lag.

Ut orginele trappie was vort veur reparatie en dus mar un ander trappie durbie eslept. De emmer met water en zepe durin en ant poetsen mar.

Ik heb veurig jaor ok al die waterbak onder hande had en wus noe zo’n bettie hoet mos. Ik dache eerst alles met zeepwater schoone te maakn en dan met un waterslange of te spuuln. Det zol wel erg stom ween, want un oftapkraantie zatter niet an en mossie al det water dur weer uut schepn. Noe dus ut bettie water watter in stond zoveel mogeluk probeern weg te schepn en de rest met doekn opdweiln. Ut gunk goed en nao un tietie was de boel weer schone en kon dur schoon water in en dan koj weer plumpen. As de zunne weer volop giet schien kuj goed ofkoeln in de waterbak.

Ton