DALFSEN – Al moanden bunt ze bezig met kabels en buizen leggn langs de Koesteeg en Rondweg. Nie völle luu weet woarumme det gewruut nödis is. Ik dus weh, doarumme dus uutleg.

Wej hebt die groenstrook an elegd an de Dedemsweg rond det Zonnepark.

Det Zonnepark levert heel veel kwh op en det mut noar het elektriciteitsnet in ut Dorp. Noe ligt ut verdeelpunt veur de elektriciteit onder de Kaasfabriek. Ja, det kump, ooit vrögger had de Melkfabriek elektrisch nödig, as ien van de eersten in öns Dorp en dus werd er een kabel elegd van Harkulo, woar de elektriciteits centrale toen stund noar önze Melkfabriek. Uuteindelijk waarn dr meer luu die elekticiteit wolln hebben en leggn ze een kabeltie noar de Melkfabriek. Simpel gezegd maar zo ging ut weh ongeveer. Det is in de loop der joarn natuurlijk gigantisch uut ebreid maar det verdeelpunt is ebleem op de plek woar det ooit emaakt is.

Dussss, doarumme mut dr van ut Zonnepark noar de Kaasfabriek een kabeltie elegd wurdn woardeur de elektriciteit giet. Mien oldste zeune is elektrotechnisch ingenieur en die lacht mej noe uut.

Veur simpele Dalfsenaren, zoas mej, kump ut in grote lijnen hier weh op neer.

Dus det gewruut is umme smönns de lamp an te kunn doen en oe te kunn scheern.

Groetn Gruune Jopie