Lange zuuk`n, net te late

want die aander was oe veur.

Dan mar wieder onder draod deur

in oe broek een grote scheur.

………….

Hier bint ze nog lang niet riepe een enkeliene,

kan nog net.

As`t niet better wôdt  dan  is het

met oons brummels zuken pet.

…………..

Laow t`is wiederop probeern

gunder staot nog bussies zat,

aak`lig stekken doet die doorns

en de voete hek ok nat.

…………….

Jao daor bint ze, dikke brummels

glaanzend zwart en  riepe zat,

pas maar op, kom niet an`t schrikdraod

want dan hei`t nog niet èhad.

……………

Nao zo`n anderhalf uur zuuken

was oons emmertie half vol,

nou wie waren goed op streeke

`t was elukt, laot `t ween wat `wol.

……………….

En noe kriej dan op de stoete,

eingsgemaakte brummelsjem,

heel erg läkker,

`t mach ezeg wön ma det maaj dan ok wel hem.

………….

Want het kossen völle muujte

ma det hew d`r van eleerd,

waa`j met muujte veur meka kriegt daij het `t meeste nog waardeert.

Onbekende auteur.

Hist .Werk. Groep Lemelerveld
H.Huisman.