LEMELERVELD –  De gemeente zet mangs van die bladkorven ens neer. De buurte kan al ut blad det ze kwiet wult daor in doen. Mar as de gemeente det noe niet bie oe in de buurte dut, dan muj zelf daor wat op verzin. Op un bult in de berm gooin kuj doen, mar dan kant alle kanten opweien.

Un vrouwe maakn ait zelf un bladkorf bie heur veurt huus en de gemeente kwaamp die ok leughaaln asse daor tied veur haan.  Det deun ze dan met un grieper en dan most blad niet te dichtbie de paoln en ut gaas van de korf lign. Aqns zoln ze met die grieper allenig mar de korf kun vernieln en det wult ze ok nie. Ach en as det wel gebeurt is det ok gien ramp, ie bint toch mooi van oen blad aof. Alle blad ister nog niet aof, mar wai noe a weghaalt, dan wurd de bult die aans bie menare knooit nie zo groot en kuj better verdan. Ai ut blad ant verzameln bint ist mooiste aster bienao gien wind is, aans blief ie mar hen en weer slepn met oen blad. Ai dan steeds ut un bettie biehaolt met ut biemenare maakn kriej vanzelf de boel mooi trechte.

Ie kunt de volgende dag zo verdan, want ut blad kump zo weer. En zo blievie mooi bezig.

Ton S.