LEMELERVELD – Met un bult collegae kant ween det iemand un aorigheitie hef. Zo binter bepaalde tieden int jaor waor zo’n aorigheitie bie heurt. Ik denke dan eulieboln, pepperneutn of paoseier.

Bie die paoseier denk ok niet an echte eier die ok opgeschildert kunt ween, mar an van die chocoladegevaln. Collegae zult niet ait op dezelfde plaatse ween waor  ze ant werk bint. Mar meestal ziet ze menare wel in de kantine bie de pauzes. As ut bedrief meerdere kantines hef en iemand zet un aorigheitie in de iene kantiene, kant ween  dei die misloopt assie dan in de iene en dan weer in de andere kantiene zit. Iemand

die det dut lup veule buutn um de boel op te ruum en strak te haoln. Op ut bedrief wurt veule met vrachtwaagns rond erene.  Zo kumpter bie die buutnkerl iniens un vrachtwaagn anne rene en de chauffeur zegt dette was hef veur de buutnkerl. De buutnkerl is verbaasd dette un paar paoseier kreg. Tja de chauffeur zei detter in de kantine un bult paoseier ston en veurdet die allemaol oppevreetn zoln wurn deur de andere collegae heffe un paar paoseier veur hem mee enum.

De buutnkerl dankte de chauffeur van harte, mar vreug offe noe niet overbeladen was deur die paoseier die hij bie zich had.

Ton