LEMELERVELD – Iemand hef un slechte ervaring met de overheid. Det kump noe vaker veur. Ai zo al denkt an die toeslagenzooi. Assie van iemand die un postadres ens hef un adreswijzing wult hem, maak ie van alles mee. Ie gaot nor de nieuwe gemeente waor ie a woont.

Ie wult dan oen olde postadres vort maakn en un adres hem waor ie noe ok woont. Ie gaot nor ut gemeentehuus en wult det eem trechte maakn. Ie komt bie de receptie en mut dan nor un anmeldapparaat um bie de bevolkingsbalie oe an te melden. Verder ister gien mense te zien bie die balie dus ie komt an die balie waor oe wurd vertelt dei un afspraak haan mun maakn. Ie hebt dan mazzel det ze oe toch wult helpn. Asse dan heurt waj wult doen kriej te heurn dei bie de andere gemeente mun ween waor oen postadres is. Tja ut zol dan wel zo ween en dan mar nor de andere gemeente en daor kriej te heurn dei toch bie de gemeente mun ween waor ie noe woont.

Ie denkt: bel dan eem met menare over de zake en ie wult ok op papier hem wat hun hierover vindt. Met det papier weer nor de woongemeente, waor ie bie de receptie vraogt offie un afspraak mut maakn bie de bevolkingsbalie waor ie net ewes bint en weggejaagd. De receptie ant beln en dan kriej te heurn det ze daor eerst overwult overlegn en det ze oe zult beln met meer informatie. Asse mazzel hef, krege toch nog un keer un goed woonadres i.p.v een postadres.

Ton