LEMELERVELD – Un oldere man zag bie un plasse water un paar familieleden met kano’s ant knooien. Hij wolt wellis eem un bettie dichterbie bekiekn en ok de jongs die daor bezig waarn, laotn zien dettie zien neuze ok eem wol laotn zien. Hij ken die plaaste a umdette daor a eerder ewes was, mar det was wel weer un schoffie elene.

Hij wus detter un taluud was die nor ut water leup. Umdet hij deur de jaorn niet meer zo soepel kon loopn as eerder, gunke nor det taluud. Det was echter veul steiler asse hadde dacht. Hij begon veurzichter op det taluud te loopn en kon toen de gank dur niet meer inhooln.

Hij begon steeds harder te loopn en kwaamp zo int water trechte op de platte boek. Ok nog met zien heufd teegn un kano an. Met ut heufd kats onder water zolle bienao verzoepn. Ien van kanoknooier, die ok nog zien zeune was, begon a te roepn: ” Wat bei noe ant doen?” Hij leup gauw nor zien va en slepn hem weer op ut dreuge. De andere kanoknooiers waar de zeuns van de redder, dus de kleinzeuns van man die bienao was verzeupn. De zeune zei teegn zien va det de jongs un geweldige ervaring haan ezene, die hun dag hadde emaakt.

Ton
Foto ter illustratie uit archief DN