DALMSHOLTE – Un kerl had un paar peerden en die kwaam deur ut natte weer in de probleem. Umdet al tieden pokke weer was waarn de rieviern ok nog is buutn de oevers ekom. Dus alles stond bienao onder water. De peerden die op un hoger stukkie grus ston,  zoln  zo langzamerhand ok natte pootn kriegn.

De eigenaar zag det op de late aomt de peerden nog dreuge kon bliem rondloopn, mar toene in beere lag konne toch slecht in slaop kom. Umdette alsmar an zien peerden dacht. Hij gunk der toch mar weer uut en gunk kiekn bie de peerden of die nog dreuge kon bliem loopn en hij zag detter noe ok al hoger water kom was waor de peerden leupn. Hij wurn bienao hopeloos en wus niet watte daormee an mos. Hij gunk rap un paar mensen beln die dan met un trekker en peretrailler mossen kom helpn. Toen die ankwaam jaagn kon zenet nog met de trekker bie de peerden komn en ze kon ien peerd in de trailer kreegn. Toen ze weg reen met det iene peerd in de trailer zaggie de andere peerden denkn:

‘Wat is det noe?  Weurumme mag hij wel mee en wiele niet’  Dus zie gung der mar achteran um eem te gon protesteern det dit echt discriminatie was en det kon niet meer teegnwoarig. Noe kwaamn alle peerden weer op ut dreuge. Dus had ut protesteern ok is un keer un goed resultaat.

Ton