LEMELERVELD – Un vrouwe had un old tegeltableau in huus. Zie had det a 75 jaor elene kreegn van heir oma. Die oma had det geval ok al un tied in bezit. Dus die vrouwe dach det det olde geval wel oarig wat geld zol oplevern. Dus zie wol dermet nor un taxateur umme te heurn wat ofut weerd was. Det tegeltableau was inne liest en was veur heur veuls te zwaor umme mee te gaon slepn.

Mar zie ken wel iemand die met kon gaon as hulpe biet versjouwn vant tegelplateau. Ut plateau pasn mooi in de auto, aans hai nog un ander probleemn. Toen met de auto nor un tegelmuseum, waor ok un taxatie edaone kon wurn. Ie kreegn daor un nummertie en moggie wachtn tutdei an de beurte kwaam. Dur was ok un kerl uit Rotterrdam die un stuk beton mettenum had en die wol ok nog weetn of det wat weerd was. Ja in de kunstweeruld kuj ait iets probeern. Hij had echter ok nog wat tegelties bie zich diee hadde red uut un slooppand en die waarn wel iets weerd.

Toen de vrouwe an de beurte was, verteln zie dur nog bie det wel old was en de taxateur geleum det wel en hij nuum de pries det volgens hem weerd was. De vrouwe vund det teegnvaln. De taxateur zei dur nog bie det zie ut ok an ut museum kon geem en dan mog ze ietsie meer van de belasting aoftrekn. Mar daor had de vrouwe helemaol gien belang bie, want zie mog ut van heur kinder niet weggeem. Dus dan mar weer metnem nor heur huus.

Ton