LEMELERVELD – Un koppel volk die allemaol vrijwilligers bint en dus min of meer collegae, moggen saam op pad. Twaan allemaol bienao buschauffeurs van de buurtbus en noe moggen ze met zien allen kiekn hoe un andere buschauffeur hun ens henbrach zonder trammelant. Ze begun met un bakkie koffie en un dikke koeke durbie  bie de opstapplaaste.

Daor kreupn ze in de grote busse en gunkt op Enkhuuzen op an via de Zuiderzeedijk. Daor gung ze parkeern biet station. Un stukkie loopn nor un andere bar waor ze gung lunchen. Weer un stukkie loopn nor de busse en die gunk noe nor de haven, waor un boot lag, die hun nor ut Zuiderzeemuseum bracht. Daor ston un paar gidsen klaor um met hun deur ut museum hen te kuiern. Twas un ploeg van 60 luu en die wurn oppesplitst in drieen. Daor was un buutnmuseum en un binmuseum. Ie kreegn ok un uur veur oezelf um rondte kuiern. Mar twas mooi zunnig weer dus veule luu zaten al gauw op un terras. Toen de tied dur veur was gunk ut terugge met de boot nor de busse. Die gunk ok weer terugge nor de opstapplaaste, waor un heerluk buffet klaorstund. Iederiene had de boek goed vol en kon ze weer op huus an. Ze kon tevrene terugge kiekn op un goed verzorgde dag.

Ton S.